Солонгос улсаас техникийн тусламж авна

Монгол Улсын Батлан хамгаалахын дэд сайд А.Баттөр өнгөрсөн долоо хоногт БНСУ-ын Батлан хамгаалахын яаманд зочилж Батлан хамгаалахын дэд сайд Пэг Сын Жүтэй уулзалт хийжээ.

Хоёр орны Батлан хамгаалахын дэд сайд нар БНСУ-ын Батлан хамгаалахын яамнаас Монгол Улсын Батлан хамгаалахын яаманд буцалтгүй тусламжаар нийлүүлж байгаа зам, засвар, барилга инженерийн техникүүдийг хүлээлгэн өгөх “Санамж бичиг”-т гарын үсэг зурсан байна.

Гарын үсэг зурах ёслолын ажиллагаанд Монголын талаас Батлан хамгаалахын дэд сайд А.Баттөр, Монгол Улсаас БНСУ-д суугаа ЭСЯ-ны Батлан хамгаалахын атташе, хошууч генерал М.Борбаатар, атташегийн туслах, ахлах дэслэгч Л.Чинзориг, Солонгосын талаас Батлан хамгаалахын дэд сайд Пэг Сын Жү, БХЯ-ны Цэргийн хангамж, удирдлагын газрын дарга, хоёр одтой генерал Ли Сан Үг болон газрын дэд дарга, мэргэжилтнүүд оролцжээ.