Солонгосын сэтгүүлчид МҮОНРТ-д зочиллоо

Монголын Сэтгүүлчдийн Эвлэлийн Ерөнхийлөгч Б.Галааридийн урилгаар БНСУ-ын Сэтгүүлчдийн холбооны Ерөнхийлөгч Park Chong – Ruyl тэргүүтэй төлөөлөгч Монгол Улсад анх удаа албан ёсны айлчлал хийж байгаа.

Айлчлалын хүрээнд БНСУ-ын Сэтгүүлчдийн холбооны Ерөнхийлөгч Park Chong – Ruyl тэргүүтэй төлөөлөгчид МҮОНРТ-д зочилж, Ерөнхий захирал М.Наранбаатар, МҮОНТ-ийн захирал Д.Энхтуяа, МҮОНР-гийн захирал Л.Цэрэн-Очир тэргүүтэй удирдах албаныхантай уулзалт хийлээ.

Уулзалтаар хоёр орны сэтгүүлчдийн байгууллага, сэтгүүлчид харилцан айлчлах, сэтгүүлзүйн өнөөгийн хөгжлийг хурдасгахад анхаарах, сэтгүүлзүйн байгууллагуудын хамтын ажиллагааг өргөжүүлэх талаар ярилцлаа.

Түүнчлэн БНСУ-д жил бүр уламжлал болон зохион байгуулагддаг “Олон улсын сэтгүүлчдийн нэгдсэн чуулга уулзалт”-ын талаар танилцуулга хийж, МҮОНРТ-ийн удирдлагуудыг оролцохыг уриалсан юм.

Уг чуулга уулзалтад дэлхийн 70 орны 140 сэтгүүлч оролцдог бөгөөд энэ жил манай улсаас Монголын Сэтгүүлчдийн Эвлэлийн Ерөнхийлөгч Б.Галаарид албан ёсоор оролцохоо мэдэгдээд байгаа аж.