Сонгинохайрхан дүүргийн гурван хороонд булгийн усны улмаас халиа дошин үүсжээ

Сонгинохайрхан дүүргийн 26, 40, 41 дүгээр хорооны зааг дээр булгийн усны улмаас халиа дошин үүссэн. Уг байршилд “Дэд бүтцийн хөгжлийн алба” ОНӨААТҮГ гурван хүний бүрэлдэхүүнтэйгээр ажиллаж 600 метр орчим газарт мөсөөр далан босгож байна.

Өнгөрсөн жил 9 байршилд халиа дошин үүсэж байсан бөгөөд дахин халиа дошинд айл өрхүүд өртөхөөс сэргийлж газар чөлөөлөлтийг эхлүүлсэн. Тухайлбал 9 дүгээр хороонд 27 нэгж талбар, 35 дугаар хороонд 36 нэгж талбар, 4 дүгээр хороонд 67 нэгж талбар, 40, 41 дүгээр хороонд 61 нэгж талбарыг чөлөөлөөд байна.