Сонгуулиар мөнгө тараавал гишүүний мандат хүчингүй болно

УИХ-ын хаврын чуулганаар хэлэлцэх Сонгуулийн хуулийн төслийг өргөн барихад бэлэн болсон талаар бид өмнө нь мэдээлсэн. Энэ хуулийн төслөөр бол орон нутгийн болон УИХ-ын сонгуулийг хамт зохион байгуулах юм байна. Мөн нэг тойрог нэг мандаттай байхаас гадна сонгуулийн сурталчилгааны зардлыг бууруулж өгсөн. Гол нь сонгуулийн үеэр мөнгө төгрөг амладаг, хэт их мөнгө зарж өрсөлддөг байдлыг зогсоох гол заалт орсон гэж УИХ-ын гишүүн Р.Бурмаа ярилаа.