Сонины онцлох мэдээний тойм

Уншигч та бүхэнд өнөөдөр буюу наймдугаар сарын 9-ны өдөр тутмын сонинуудын онцлох мэдээллийн тоймыг хүргэж байна.

“Өдрийн сонин”-ы өнөөдрийн дугаарт “Оюу толгой компанийн гүйцэтгэх захирал Армандо Торрес: Тодорхойгүй байдал шийдэгдвэл нэн тэргүүнд олон улсын зах зээлээс мөнгө босгоно”, “З.Нарантуяа: Гуравдагч хөршийн худалдааны хуулийг оны өмнө батална гэж найдаж байна”, “Монгол Улсын баатар Жамбаагийн Загас: Түүхчид аавыг минь Монгол Улсын гурван дайнд оролцсон цорын ганц хүн гэдэг” зэрэг ярилцлага, нийтлэл багтжээ.

"Өнөөдөр” сонины өнөөдрийн дугаараас “Намуудыг төрөөс тэтгэх бол тэнцэх хариуцлагыг нь нэх”, “АНУ-ын Батлан хамгаалахын сайд мориндоо эрэлхэг генералын нэр хайрлав”, ““Оюутолгой”-н алт, зэсийн үйлдвэрлэл өмнөх улирлынхаас буурав” зэрэг ярилцлага, нийтлэл, мэдээллийг онцолж байна.

“Зууны мэдээ” сонины өнөөдрийн дугаарт “Пентагоны тэргүүн манай улсад айлчиллаа”, “Х.Отгоо: Өөрийнхөө амьдралаар дуу хийнэ гэвэл өрөөсгөл шүү”, “Нэг сурагчид 250 мянган төгрөг зарцуулна” зэрэг ярилцлага, нийтлэл, мэдээлэл нийтэлжээ.

“Өглөөний сонин”-ы өнөөдрийн дугаарт “Х.Мандахбаяр: Энэ бол цустай мөнгө, ийм мөнгөнөөс авах нь бүү хэл овоолоод тавьчихсан байхад ч хажуугаар нь өнгөрөхөөс сэжиглэнэ”, “Ж.Эрдэнэбатын Засгийн газрын шийдвэр танхимынхаа гишүүнд давуу байдал олгосон” зэрэг ярилцлага, нийтлэл багтжээ.