Сонины онцлох мэдээний тойм

Уншигч та бүхэнд өнөөдөр буюу есдүгээр сарын 25-ны өдөр тутмын сонинуудын онцлох мэдээллийн тоймыг хүргэж байна.

“Өдрийн сонин”-ы өнөөдрийн дугаарт “Л.Нинжжамц: Бид хамтдаа энэ бүхнийг хийж чадсан юм", "Г.Ганболд: Махны экспортыг тэлж, үнийг нь нэмэх шаардлагатай", “Хүний эрхийг дээдэлсэн компанийн бүтээгдэхүүн дэлхийн зах зээлд гарахад асуудалгүй гэв” зэрэг ярилцлага, нийтлэл багтжээ.

"Өнөөдөр” сонины өнөөдрийн дугаараас “Сурагч охидод өнөөдөр өмд өмсгөе, маргааш нүүрийг нь халхалъя”, “Х.Баттулга: Эх дэлхийгээ эзэрхэх бус, эвлэлдэхийн төлөө оюун ухаанаа нэгтгэмээр байна”, “Олон эх үүсвэрээс тэтгэвэр авах боломж бүрдэх нь” зэрэг ярилцлага, нийтлэл, мэдээллийг онцолж байна.

“Зууны мэдээ” сонины өнөөдрийн дугаарт “Г.Батзаяа: Гэр бүл, хүүхдийн асуудал бол аливаа улсын суурь, үндсэн асуудал байх учиртай", "Байгал далайн ундарга, Идэр голыг хамгаалах цаг болжээ", “Монгол бичгийн үндэсний хөтөлбөрийн хэрэгжилт хангалтгүй байна” зэрэг ярилцлага, нийтлэл багтжээ.