Сонины онцлох мэдээний тойм

Уншигч та бүхэнд өнөөдөр буюу зургаадугаар сарын 25-ны өдөр тутмын сонинуудын онцлох мэдээллийн тоймыг хүргэж байна.

“Өдрийн сонин”-ы өнөөдрийн дугаарт “Ц.Магалжав: Энэ жилийн наадмын бөхийн барилдааныг Хүй долоон худагт зохион байгуулах чиглэл ирсэн”, “М.Тулгат: Зөвлөхүүдийн танхим нь зөвлөж ажиллана”, “Ард түмэнд Ардын хувьсгалын 100 жилийн ойн медаль хэрэгтэй юү, амьсгалын аппарат хэрэгтэй юү?” зэрэг ярилцлага, нийтлэл багтжээ.

“Өнөөдөр” сонины өнөөдрийн дугаараас “Иргэдийн хөлийг хорихоос өөр шийдэлгүй Эрдэмтдийн зөвлөл”, “Ард иргэд салхилж, албаныхан нь болиулахаар “хөөцөлдсөөр””, “Шударга ёсны тэмцэл үргэлжлэх үү” зэрэг ярилцлага, нийтлэлийг онцолж байна.

“Өглөөний сонин”-ы өнөөдрийн дугаарт “Н.Наранбаатар: Цахим наадмыг Б.Баатар найруулна”, “Монгол Улс Н.Энхбаярт ямар өртэй юм бэ!?”, “Токиогийн олимпын талаарх тамирчдын БАЙР СУУРЬ” зэрэг ярилцлага, нийтлэл багтжээ.

“Зууны мэдээ” сонины өнөөдрийн дугаарт “Ж.Оюунчимэг: Татвар, шимтгэл, өрөөс чөлөөлөх шаардлагатай 30 мянган аж ахуйн нэгж бий”, “Парламент: Ковидын хуулийн хэрэгжилт, үр дүн хангалтгүй байна”, “Тойм: Мутацид орсон дельта вирус Израйльд шинэ давлагаа эхлүүлэв” зэрэг ярилцлага, нийтлэл, мэдээлэл нийтэлжээ.