Сонины онцлох мэдээний тойм

Уншигч та бүхэнд өнөөдөр буюу долоодугаар сарын 28-ны өдөр тутмын сонинуудын онцлох мэдээллийн тоймыг хүргэж байна.

“Өдрийн сонин”-ы өнөөдрийн дугаарт “Б.Мөнхбаатар: Төмрийн хүдрээрээ арматур үйлдвэрлэж байж дотоодын хэрэгцээгээ бүрэн хангах боломжтой болно”, “Г.Сурахбаяр: Уул уурхайдаа түшиглээд хөгжих боломж бий ч Засгийн газарт манлайлал дутаад байна”, “О.Баасанхүү: Монгол Улс хэмжээлшгүй эрхт засагтай болох тал руугаа орчихлоо” зэрэг ярилцлага, нийтлэл багтжээ.

“Өнөөдөр” сонины өнөөдрийн дугаараас “Бөн бөн гүйх бөхөнгийн нутаг эзгүйрэх вий”, “Цар тахал цахим залилан үйлдэгчдийг өөгшүүлэв”, “Монголын Саид Моллаеи мөнгөн медаль хүртлээ” зэрэг ярилцлага, нийтлэлийг онцолж байна.

“Зууны мэдээ” сонины өнөөдрийн дугаарт “COVID-19: Халдвар орон нутагт нийслэлээс хоёр дахин нэмэгдлээ”, “Т.Сосорбарам: Онцгой комиссын зөвлөмжийн дагуу төрийн албаны шалгалт түр хүлээгдэж байна”, “АН-ын хагарал орон нутаг руу “нүүсэн” үү?”, “Хөшигийн хөндий рүү буухиа автобус 20 мянган төгрөгөөр үйлчилж байна” зэрэг ярилцлага, нийтлэл, мэдээлэл нийтэлжээ.