Сонины онцлох мэдээний тойм

Уншигч та бүхэнд өнөөдөр буюу есдүгээр сарын 22-ны өдөр тутмын сонинуудын онцлох мэдээллийн тоймыг хүргэж байна.

“Өдрийн сонин”-ы өнөөдрийн дугаарт “С.Энхболд: Манайх маш өндөр хэмжээнд эмнэлэгт хэвтэн эмчлүүлж байна”, “Хууль тогтоогчийг сонгох ёстой юу, эсвэл тухайн тойрогтоо ажилладаг хүнийг сонгох ёстой юу гэдэг нь мажоритор системийн том асуудал” зэрэг ярилцлага, нийтлэл багтжээ.

“Өглөөний сонин”-ы өнөөдрийн дугаараас “Нэр дэвшигчдийн боловсрол сонгогчдын боловсролоос хоцорчээ”, “Р.Булгамаа: Хүүхдийн мөнгийг хуримтлал болгох нь хүний суурь эрхэд халдаж байгаа үйлдэл”, “ХОМ: Монголд улс төрийн санхүүжилт бохир байгааг гэрчлэв” зэрэг ярилцлага, нийтлэлийг онцолж байна.

“Зууны мэдээ” сонины өнөөдрийн дугаарт “Антонио Гутерреш: НҮБ Монгол улсад дэмжлэг үзүүлнэ”, “Гашуунсухайт боомтод нүүрсний “Ногоон гарц” ажиллана”, “Төрийн тамга ашиглан, хуурамч бичиг баримт үйлдэж “ЭЙКҮСОРА”-д үйлчилсэн Шивээговийн “иргэн” Ч.Амарсанааг АТГ-Т шилжүүлжээ” зэрэг ярилцлага, нийтлэл, мэдээлэл нийтэлжээ.