Сонины онцлох мэдээний тойм

Уншигч та бүхэнд өнөөдөр буюу хоёрдугаар сарын8-ны өдөр тутмын сонинуудын онцлох мэдээллийн тоймыг хүргэж байна.

“Өдрийн сонин”-ы өнөөдрийн дугаарт “Б.Лакшми: Төмөр замын өргөн нарийн царигийн огтлолцлын цэгийг Монголд байгуулах нь үр ашигтай”, “Д.Баярхүү: "Монгол-Хятад дэлхийд хүлээн зөвшөөрөгдсөн жишиг харилцааг хөгжүүлэх зорилт дэвшүүллээ”, “Сар шинийн барилдааны түрүү бөх аймгийн заан Э.Мөнхжаргал "Аав, ээжийнхээ ачийг бага боловч хариуллаа. Сэтгэл дүүрэн сайхан байна” зэрэг ярилцлага, нийтлэл багтжээ.

“Өглөөний сонин”-ы өнөөдрийн дугаараас “Д.Чойжамц: Бид мэдлэгийг олгож чадсан хэр нь ёс суртахууныг орхигдуулсан”, “Хөгжлийн банкийг шалгах Ажлын хэсэг их хүлээлт үүсгэнэ”, “Буян нэрээр луйвар хийгсэд”, “Путин, Ши Жиньпин нар 15 гэрээнд гарын үсэг зуржээ” зэрэг ярилцлага, нийтлэлийг онцолж байна.

“Зууны мэдээ” сонины өнөөдрийн дугаарт Ши Жинпинийн Монголд ирээд хэлсэн үгийг Л.Оюун-Эрдэнэ Хятадад очоод “сануулжээ””, “Нийгмийн даатгалын сангийн менежментийг өөрчилье”, “Дайн л гарчихгүй байгаасай!” зэрэг ярилцлага, нийтлэл, мэдээлэл нийтэлжээ.