Соёл урлагийнхан сурч чадаагүй хүүхдүүдэд тусална

Боловсрол эзэмших боломжгүй байгаа хүүхдүүдэд туслахаар рок поп, соёл урлагийнхан нэгдэх болсноо өнөөдөр мэдээллээ. Хүүхэд залуучуудын "Гэгээн" театр, Уран бүтээлийн "Этүгэн" нэгдэлтэй хамтран амьжиргааны түвшин доогуур орлоготой айл өрхийн хүүхдүүд болон сургуулиас завсардсан хүүхдүүдэд боловсрол олгох зорилгоор хөтөлбөр хэрэгжүүлэх гэж байна.

Тус хөтөлбөрийн хүрээнд Нийслэлийн ерөнхий боловсролын бүх сургуульд тоглолт зохион байгуулах юм. Энэ талаар Хүүхэд залуучуудын "Гэгээн" театрын дарга Д.Балдан-Очир мэдээлэл өглөө.