Статистикийн мэдээллийг онлайн сервис байдлаар ашиглах боломжтой болжээ

Нээлттэй мэдээлэл санаачилгын хүрээнд Үндэсний статистикийн хороо нь статистикийн мэдээллийн нэгдсэн сангийн зарим үзүүлэлтийн онлайн сервисийг www.1212.mn веб хуудсанд байрлуулан хэрэглэгчдэдээ хүргэж эхэлжээ. Онлайн сервисийг ашигласнаар хувь хүн, албан байгууллага өөрийн веб хуудас, аппликейшнд статистик мэдээллийг харуулах бүрэн боломжтой болох гэнэ. Одоогийн байдлаар 11 төрлийн 50 гаруй үзүүлэлтүүдийн онлайн сервисийг веб хуудсанд байршуулаад байгаа аж.