Стратегийн хүнсийг импортох, экспортлох зөвшөөрөл олгов

Монгол Улсын Хүнсний тухай хуулийн 6 дугаар зүйлийн 6.8 дахь заалт болон Засгийн газрын 2013 оны 77 дугаар тогтоолоор баталсан “Стратегийн хүнсийг экспортлох, импортлох зөвшөөрөл олгох түр журам”-ыг хэрэгжүүлэх зорилгоор Үйлдвэр, Хөдөө аж ахуйн яамнаас 2014 оны хоёрдугаар хагас жилд стратегийн хүнс (хүнсний болон үрийн улаанбуудай, малын мах, гурил, сүү)-ийг экспортлох, импортлох зөвшөөрөл олгох сонгон шалгаруулалтыг явуулж дүгнэжээ.

2014 оны хоёрдугаар хагас жилд нийт 12 300.0 тн мах экспортлох зөвшөөрлийг 14 аж ахуйн нэгжид, 637.0 тн үхрийн мах импортлох зөвшөөрлийг 3 аж ахуйн нэгжид, 21.0 мян.тн улаан буудай импортлох зөвшөөрлийг 3 аж ахуйн нэгжид, 27 220. тн улаан буудайн гурил импортлох зөвшөөрлийг 12 аж ахуйн нэгжид, үйлдвэрийн аргаар боловсруулсан 300.0 тн шингэн сүү импортлох зөвшөөрлийг 2 аж ахуйн нэгжид, 3 000.0 тн хуурай сүү импортлох зөвшөөрлийг 5 аж ахуйн нэгжид тус тус олгосон байна.