Судалгааны ажилтанг хороосон этгээдийн хэргийг шүүхэд шилжүүлжээ

Өнгөрөгч оны есдүгээр сарын 22-ны өдрийн 17:00 цагийн орчим Орхон аймгийн Баян-Өндөр сумын Цагаанчулуут багт оршин суух Б гэгч нь судалгаа авахаар гэрт нь очсон О-г олон удаа хутгалан амь насыг нь санаатайгаар хохироосон гэмт хэрэг гарч байсан. Энэ хэрэгт Орхон аймгийн Прокурорын газраас хяналт тавин ажиллаж, Б-ийн дээрх үйлдэлд өнгөрсөн оны 12 дугаар сарын 30-ны өдөр Эрүүгийн хэргийн тусгай ангийн 91 дүгээр зүйлийн 91.2.12 дахь хэсэгт зааснаар яллах дүгнэлт үйлдэж шүүхэд шилжүүлсэн байна.