Судар номын үзэсгэлэн болно

Соёл урлаг судлалын хүрээлэнгээс монголчуудын эртний уламжлалт ая дангийн судрыг цуглуулж, өв соёлоо сэргээн хадгалах ажил өрнүүлж байна.

Мэргэжилтнүүд ард түмний гар дээр үес үе дамжин хадгалагдаж ирсэн 20 гаруй судар цуглуулсан бөгөөд
энэ сарын 7 нд Богд хааны ордон музейд 11:00 цагаас үзэсгэлэн хэлбэрээр олонд дэлгэх аж. Үзэсгэлэнг Гандантэгчилэн хийд, СУИС, ССАЖЯ зэрэг байгууллагууд хамтран дэмжиж ажиллаж байна. Одоогоор судруудыг судлах ажил үргэлжилж байна.Энэ талаар өнөөдөр Соёл урлаг судлалын хүрээлэнгийн захирал Д.Даваасүрэн, Төрийн соёрхолт хөгжмийн зохиолч С.Соронзонболд нар мэдээлэл хийлээ.