Сүхбаатар аймгаас 30 гаруй нэвтрүүлэг бэлтгэнэ

МҮОНРТ жилд хоёроос доошгүй удаа хөдөө орон нутагт нээлттэй хаалганы өдөр зохион байгуулж үзэгч, сонсогчдынхоо санал бодлыг сонсдог уламжлалтай. Энэ удаад МҮОНРТ-ийн 70 гаруй уран бүтээлчдийн бүрэлдэхүүнтэй баг Сүхбаатар аймагт ажиллаж байна. МҮОНР тус аймгаас нийгэм эдийн засаг, хүүхэд залуучууд, уран сайхан, цаг үеийн чиглэлээр 30 гаруй нэвтрүүлгээ бэлдэж байна. Өнөөдөр радиогийн уран бүтээлчид Эрдэнэцагаан сумыг зорьж СГЗ, сэтгүүлч Д.Шагдарсүрэн “Малчин” нэвтрүүлгээ бэлтгэнэ. Харин 17 цагаас МҮОНРТ аймгийн иргэдтэй уулзалт зохион байгуулах юм.