Сурагчдын амралтын хуваарийг шинэчиллээ

Боловсрол, шинжлэх ухааны сайдын 311 дүгээр тушаалаар хичээлийн жилийн сургалтын төлөвлөгөөг өөрчилсөн бөгөөд энэ хүрээнд 2013-2014 оны хичээлийн жилийн сургалтын үйл ажиллагаа болон амралтын хугацааг шинэчилэн гаргажээ. Тухайлбал, хэлний сургалттай, тусгай, лаборатори сургуулиудад тохируулан хөтөлбөрийг боловсруулсан байна. Харин 1-2 ангийн хүүхдүүд нэгдүгээр улиралд найман долоо хоног хичээллэж хоёр долоо хоног амрах бол гурваас дээш ангийнхан есөн долоо хоног хичээллэж нэг долоо хоног амрах юм.