“Сургаал үг” зохиолыг Монгол хэлнээ орчуулжээ

Бүгд Найрамдах Казакстан улсын гүн ухаантан, сонгодог зохиолч А.Кунамбаевын “Сургаал үг” зохиолыг Монгол Улсын эрдэмтэн, доктор М. Шагдарсүрэн монгол хэлнээ орчуулан, уншигчдын хүртээл болголоо.

Өнөөдөр “Сургаал үг” орчуулгын номын нээлтийг хийсэн юм. Нээлтийн үеэр доктор М.Шагдарсүрэн “Энэ бүтээл нь монголчуудад их сургамжтай, хүн төрөлхтний сайхан чанаруудыг эзэмшихийг уриалсан ном юм” гэдгийг тодотголоо.

Тус номыг Монгол Улс дахь Бүгд Найрамдах Казахстан улсын Элчин сайдын яамны дэмжлэгээр хэвлэсэн байна.

Б.Дулмаа