Сүсэгтэн олон маани хөгжөөж байна

Өнөөдөр Бурхан багш мэндэлж, нирваан дүрийг олсон зуны тэргүүн сарын шинийн 15-ны өдөр. Эл өдрийг бурхан багшийн их дүйчин өдөр хэмээн өргөн дэлгэр тэмдэглэн өнгөрүүлдэг. Энэ өдөр гандан хийд хөл хөдөлгөөнд дарагдаж сүсэгтэн олон өөр өөрийнхөөрөө буян үйлддэг. Монголын Бурхан Шашны Гандантэгчэнлин хийд хөл хөдөлгөөн ихтэй байна. Өнөөдөр энд бурхан шашны чиглэлээр үйл ажиллагаа явуулдаг хийд, дацан, ТББ-ууд иргэдэд төрөл бүрийн үйлчилгээ үзүүлж байна. Энэ бүхнээс өндөр настан голдуу сүсэгтнүүд маани хөгжөөж буй нь олны анхаарлыг ихэд татаж байлаа.