Сүүлийн жилүүдэд залуу малчдын тоо буурчээ

Сүүлийн жилүүдэд залуу малчдын тоо буурч байна. Тухайлбал 2011 онд 30 мянга гаруй залуу малчин байсан бол өнөөдөр 11 мянга болтлоо буурчээ. Энэ нь олон шалтгаантай. Тодруулбал, ихэнх залуу малчин 200-аас доош толгой малтай. Энэ нь тэдний амжиргаанд хүрэлцдэггүй. Нөгөө талаас малчдын амьдралын нөхцөл байдал тааруу байна гэж Монгол малчин мэдээллийн агентлагийн захирал Б.Олзвой ярилаа. Залуу малчдыг бэлтгэхийн тулд тэднийг мал маллах сонирхолд хөтлөх, нийгмийн оролцоог сайжруулах, боловсролын асуудлыг дэмжих хэрэгтэйг тэрээр мөн хэлж байсан юм.