Таеквондоч Т.Болдбаатар ААШТ-ээс “Өсөх ирээдүйтэй тамирчин” цом хүртлээ

Таеквондогийн өсвөр үе, залуучуудын Ази тивийн аварга шалгаруулах тэмцээн энэ сарын 22-27-нд Вьетнам улсын Хо Ши Мин хотод болж байна. Тус тэмцээнд Монгол Улсаас Үндэсний шигшээ багийн дасгалжуулагч П.Тэмүүжин, Д.Батнасангийн удирдлага дор 28 тамирчин хүч үзнэ.

Өчигдөр пүмсэ төрлийн Ази тивийн аварга шалгаруулах тэмцээнд өсвөрийн ангилалд Н.Ариунзул, залуучуудын ангилалд Т.Болдбаатар, Б.Учрал нар амжилттай оролцлоо. Түүнчлэн Т.Болдбаатар “Өсөх ирээдүйтэй тамирчин” цомын эзэн боллоо.