Тайван жагсаал хийхийг хичээж байна

Ирэх сарын 4-нд болох эсэргүүцлийн жагсаалд оролцохыг Египетийн ард түмэнд тус улсын Ерөнхийлөгч асан Мухамед Мурсиг дэмжигчид уриаллаа. Учир нь энэ өдөр Мурси болон бусад 14 хүнийг шүүх хурал Каирт эхлэх юм. Тус улсын Ерөнхийлөгч асан болон түүний хүмүүсийг 2012 оны 12 дугаар сард Каир дахь ерөнхийлөгчийн ордонд жагсагчдыг хөнөөсөн хэрэгт буруутгаж байгаа билээ. Эсэргүүцлийн жагсаалыг тайван замаар хийхээр лалын шашны намуудын холбоо хичээж байгаа гэнэ.