Тангараг өргөх ёслол болов

Өнгөрсөн Лхагва гарагт Хөдөлмөрийн яамны төрийн захиргааны шинэ албан хаагчид төр, ард түмнийхээ төлөө үнэнч шударга ажиллахаа тангараг өргөх ёслол болов.

Төрийн захиргааны албан хаагчийн тангараг өргөх болзол хангасан зургаан албан хаагч төрийн сүлдэндээ мэхийн ёсолж, тангарагаа өргөн, батламжаа гардлаа.

Тэдгээрийн өргөсөн тангарагт "Эх орон, ард түмнийхээ төлөө эрдэм чадлаа зориулж, төрийн хууль, ёс зүйн хэм хэмжээг чанд сахиж, албан үүргээ үнэнч шударгаар биелүүлэхээ тангараглая. Тангарагаа няцвал хуулийн хариуцлага хүлээнэ" хэмээн өгүүлсэн байдаг ажээ.