Таны хоолны цэсэнд санал болгох ногоо: Хэрээн нүд

Монголчуудын хоолны цэсэнд саяхнаас нэмэгдсэн Аспарагус буюу Хэрээн нүд гэх ногооны талаар мэдээлэл хүргэе.

Уг нарийн ногоог манай эриний өмнөх 300-аад жилийн тэртээгээс анх Египетчүүд, дараа нь Грек, Ромчууд ханиад, арьсны өвчин, зүрхэнд сайн хэмээн хэрэглэж байсан гэж тэмдэглэгдэн үлджээ. Дундад зууны үед харин хэрэглээ нь хумигдаж байсан ч 17 дугаар зууны үед хоолны тавган дээр "буцаж ирсэн" гэдэг.

Одоогоор уг ногоог хамгийн ихээр тарималжуулан хурааж авдаг газар нь Хятад, баруун Европ, тэр дундаа Герман, Перу улс юм. Уншигч та энэхүү ногоог хоол хүнсэндээ тогтмол хэрэглэж болох бөгөөд хүнсний захуудад худалдаалагддаг.

Хоолны хачирт өгөхөд хамгийн тохиромжтой ногоо. Хэрээний нүдэнд зүрх судасны эрүүл мэндэд тустай амин дэм, эрдэс бодис ихээр агуулагддаг. Түүнд агуулагддаг К амин дэм нь цус бүлэгнэлтийн эсрэг үйлчилдэг ба калий нь цусны даралтыг хэвийн хэмжээнд барьдаг. Түүнчлэн хэрээний нүдийг цусны даралт ихсэх өвчин, захын нарийн судаснуудын цусан хангамжийг сайжруулахад хэрэглэдэг.

Та бүхэнд Хэрээн нүд ашиглаж хийж болох дараах хоол, зуушуудыг санал болгож байна.