Тарагт сум шинэ Нутгийн удирдлагын ордонтой болно

Өвөрхангай аймгийн Тарагт суманд энэ жил улсын төсвийн хөрөнгө оруулалтаар Засаг даргын Тамгын газрын барилга шинээр барина. Өчигдөр барилгын шав тавих ёслол болсон байна. Тендер шалгаруулалтад "Хангамж-Өргөө" ХХК шалгарч, барилгын ажлыг гүйцэтгэхээр болсон бөгөөд энэ оны гуравдугаар улиралд багтаан хүлээлгэн өгөх аж.

Одоогийн байгаа ЗДТГ-ын барилга нь анх 1986 онд халуун ус буюу үйлчилгээний зориулалтаар баригдаж байжээ. Түүнээс хойш бяслагны үйлдвэрийн байраар ашиглаж байгаад 2005 оноос сумын ЗДТГ-ын байр болгон ашигласан байна.