Тариалангийн талбайд ойн зурвас байгуулах ажлыг дамжуулан зээлийн үйлчилгээгээр гүйцэтгүүлнэ

Улсын төсвийн хөрөнгө оруулалтаар 2024, 2025 онд олгосон тариалангийн талбайн хамгаалалтын хашааны шонг дагуулан ойн зурвас байгуулах ажлыг дамжуулан зээлийн үйлчилгээгээр мод үржүүлгийн мэргэжлийн байгууллагаар гүйцэтгэх ажлыг зохион байгуулж байна.

Одоогийн байдлаар Дархан-Уул аймгийн 13, Сэлэнгэ аймгийн 25 мод үржүүлэгч тусгай зөвшөөрөл бүхий иргэн, аж ахуйн нэгжтэй хамтран ажиллах гэрээ байгуулж, тэдний модны суулгац, тарилт хийх болон ургуулалт, арчлалтын үйлчилгээг тариаланчдад дамжуулан зээлээр олгох санал тавин ажиллаж байна гэж ХХААХҮЯ-наас мэдээллээ.