Тариалангийн талбайг хамгаална

Тариалангийн ургацыг малаас хамгаалах цорын ганц арга нь талбайг тойруулан хашаа барих юм. Харин тариалангийн талбайн захаар мод тарьж ойн зурвас байгуулах нь хөрс, таримал ургамлыг салхины нөлөөнөөс хамгаалахаас гад­на дулааныг нэмэгдүүлэх, өвөлд цас тогтоох, зунд чийг дулааны тэнцлийг тогт­воржуулах зэ­рэг олон ач хол­богдолтой. 2014 оны эхний байдлаар манай улсын хэмжээгээр 20640 аж ахуйн нэгж, байгууллага, иргэний эзэм­шилд ашиглагдаж бай­гаа 216.4 мянган га тариа­лангийн талбайг 5671 км урт хашаагаар хашсан бай­­на. Хашааны 3741 км нь байнгын, 1930 км нь зуны улиралд бариад ашиг­ладаг түр хашаа юм. Мөн тариалангийн талбайг сал­­хинаас хамгаалах 356.4 км урт ойн зурвасыг бай­гуулсан байна.