Тарилгын ажлыг сайжруулах шаардлагатай байна

Мал, амьтны халдварт өвчнөөс урьдчилан сэргийлэх тарилгын ажлыг идэвхжүүлж, сайжруулах шаардлагатайг онцгой байдлынхан хэллээ.

Тухайлбал, малын цэцэг өвчин Сүхбаатар, Дорнод аймагт гарчээ. Эдгээр аймагт малын халдваргүйжүүлэлтийг хийсэн бол боом өвчин Хөвсгөл, Архангай аймагт гурван удаа гарч таван толгой мал хорогдсон.

Мөн галзуу өвчин 13 аймгийн 36 суманд 50 удаа гарсны улмаас 200 гаруй толгой мал, амьтан хорогдсон гэсэн мэдээ байна.

Энэ талаар Онцгой байдлын ерөнхий газрын дарга Т.Бадрал ярилаа.