Тарьсан мод, цэцгийг таслажээ

“Шарилжгүй Дархан” аяны хүрээнд хотын ногоон байгууламжийг нэмэгдүүлэх зорилгоор Дархан сумын 9, 10 дугаар багийн нутаг дэвсгэрт агч, голтбор зэрэг нийт 1000 ширхэг модыг 3800 м2 талбайд тарьсан байна.

Мөн 100000 ширхэг амьд цэцгийг нийтийн эзэмшлийн талбайд тарьжээ. Энэ мэтчилэн хотынхоо ногоон байгууламжид аймаг орон нутгийн зүгээс анхаарал хандуулж хөрөнгө мөнгө гарган дэмжиж байгаа ч ухамсар муутай зарим хүнээс шалтгаалан тарьсан мод, цэцгийг таслах явдал удаа дараа гарсаар байгаа аж.

Тиймээс орон нутгийн удирдлагууд хотоо ногооруулж, эрүүл цэвэр орчинд амьдрахыг нийт иргэддээ уриалж байна.