Тарваган тахал өвчний шинжилгээг яаралтайгаар түргэвчилсэн сорилоор хийдэг боллоо

Нийслэлийн Зоонозын өвчин судлалын төв нь 2019 оны 10 дугаар сараас эхлэн лабораторийн оношлогоондоо тарваган тахал өвчний түргэвчилсэн тестийг шинээр нэвтрүүллээ.

Ингэснээрээ өмнө нь нян судлалын шинжилгээний хариуг 72 цаг хүлээдэг байсан бол одоо дуудлага хүлээж авсан өдөрт нь буюу шууд гарах боломжтой болж, илүү түргэн шуурхай үйлчилгээг үзүүлдэг боллоо гэж ЗӨСҮТ-өөс мэдээллээ.