Тарваган тахлын вакцин хийлээ

Тарваган тахал нь мэрэгч амьтдаас хүнд халддаг гоц аюулт халдварт өвчин юм. Тарваган тахлаар тарвага, зурам, үхэр огодой, үлийн болон гэрийн цагаан оготно, чичүүл зэрэг мэрэгчдээс гадна хүн өвчилдөг. Өвчин үүсгэгчийг мэрэгчдийн дунд бүүрэг дамжуулдаг. Өвчин үүсгэгч нь мэрэгчдийн арьсанд 23 хоног, хоол хүнсэнд 2-4 сар, өвчтний цэр, идээ, цусанд 4-165 хоног өвчин үүсгэх чадвартайгаар хадгалагддаг байна.

Монгол Улсын хэмжээнд 17 аймгийн 130 гаруй суманд тарваган тахлын голомттой бөгөөд тус тахлаас урьдчилан сэргийлэх зорилгоор алба хаагчдыг тарваган тахлын вакцинжуулалтад хамрууллаа.

Эх сурвалж: Төв аймгийн ОБГ