Тарваганы арьс хил давуулахыг завджээ

Хилийн 0108 дугаар ангийн хариуцсан хэсгээр арванхоёрдугаар сарын 29-ний өдрийн Замын-Үүд Эрээн гарах чиглэлийн 7816 дугаар галт тэргэнд улсын хилээр 500 ширхэг тарваганы арьс нуун гаргах гэж байсан үйлдлийг ахлах байлдагч Г.Мөнхтулга, байлдагч Б.Бадарням нар илрүүлсэн байна. Дээрх 500 ширхэг тарваганы арьсыг мод ачсан задгай вагоны люкэнд нуусан байжээ. Уг хэргийг Хилийн тагнуулын албанд хүлээлгэн өгч нарийвчилсан шалгалтыг явуулж байна.