Тасганы овоо орчмын уулзвар ашиглалтанд орлоо

“Гудамж” төслийн хүрээнд өргөтгөн шинэчилж буй 12 дахь уулзвар өнөөдөр ашиглалтад оржээ. Тодруулбал, Баянбүрдээс III, IV хороолол, Гэсэр сүмээс Зурагт, Баянхошуу чиглэлийн замууд огтлолцдог Тасганы уулзвар нь нийслэлийн ачаалал ихтэй замуудын нэг юм.

Түгжрэл их үүсдэг уг замын нэвтрүүлэх чадварыг нэмэгдүүлэх зорилгоор хөдөлгөөний зохион байгуулалтыг зөв болгож, зорчих хэсгийн талбайг 2781 ам метрээр өргөтгөн, нийт 15200 ам метр талбайд асфальт бетон хучилт хийсэн байна.