Таван иргэний амь насыг аврав

Сэлэнгэ аймаг Сүхбаатар сумын 7-р баг Машинистийн 3 давхар байранд оршин суух иргэн Ц.Батболдын гэрт гал гарч байна гэсэн дуудлага аймгийн Онцгой байдлын газарт энэ сарын 17-ны өдөр иржээ.

Онцгой байдлын газрын бие бүрэлдэхүүн уг дуудлагаар шуурхай ажиллаж галыг унтраан 4 том хүн, 1 хүүхдийн амь насыг гал түймрийн аюулаас авран хамгаалж хүлээсэн үүргээ нэр төртэй биелүүлжээ.

Галын шалтгаан нь гэрийн эзэн цахилгаан тогоогоо залгаатай орхиж унтсанаас үүдэлтэй аж.