Тэс омгийн адуунд явуулсан үржил селекцийн ажлын үр дүнд хянан магадлагаа хийлээ

Тэс омгийн адууг үүлдэр болгон баталгаажуулах зорилтын хүрээнд уг адуунд явуулсан үржил селекцийн ажлын үр дүнд хянан магадлагаа хийжээ.

ХХААХҮ-ийн сайдын 2019 оны зургаадугаар сарын 6-ны өдрийн А-180 тоот тушаалаар батлагдсан ажлын хэсэг Увс аймгийн ХХААГ-тай хамтран Тэс, Зүүнговь сумын Тэс омгийн адуунд магадлагаа хийсэн байна.

Уг ажлын хүрээнд Тэс омгийн адууны тоо толгой, сүргийн бүтэц, тархалтын судалгаа болон бусад холбогдох судалгаанд үнэлэлт дүгнэлт өгөх, адууны хаврын амьдын жин, галбир, бие цогцын үндсэн үзүүлэлтүүдийн хэмжилтүүд, хяналтын судалгааг тус тус хийжээ.