Токиогийн тэнгэрийн мод

Дэлхийн хамгийн өндөр “Токиогийн тэнгэрийн мод”-ыг нэг жилд 50.8 сая хүн очиж үздэг аж. “Токиогийн тэнгэрийн мод“-ны өндөр 634 м бөгөөд дэлхийн хамгийн өндөр телевизийн цамхагийн хувиар Гиннесийн дээд амжилтын номд орсон юм.

Цамхагийн антенн телевизийн цахим дохионуудыг дамжуулдаг бөгөөд гар утасны холбооны систем болон зүг чиг заах төхөөрөмжүүдийн үйлчилгээг хангадаг. “Токиогийн тэнгэрийн мод” нь 350 болон 450 метрийн хоёр том алсыг харах талбайтай. Үзэгчид цахилгаан шатаар 445 метрийн өндөр хүртэл гардаг юм.

Түүнээс дээш таван метрийг шилэн шатаар алхаж гардаг бөгөөд энэ хэсгийг “Тэнгэрийн аялал” гэж нэрлэдэг ажээ. Тус барилгыг ажиглалт судалгаа, шинжилгээ болон ресторан, телевизийн өргөн цацалтын зорилгоор ашигладаг байна.