Томуугийн тархалтыг зогсоохын тулд 73 мянган тахиа устгахаар болжээ

Японы Сага мужийн хоёр шувуун фабрикт шувууны томуугийн вирус илэрсэнтэй холбогдуулан вирусын тархалтыг зогсоохын тулд 73 мянган тахиаг устгалд оруулахаар болсон тухай тус мужийн албан ёсны мэдээллийн хэрэгслээс мэдээлэв.

Халдвар гарсан хоёр фабрикийн эргэн тойрон дахь 3 км орчимд хөл хорио тогтоогоод байгаа бөгөөд мужийн зарим замуудад ариутгал хийж байгаа аж.