Тоёота, Ниссан болон Хонда компаниуд АНУ дахь үйлдвэрүүдээ хаана

Японы автомашины үйлдвэрлэгч Тоёота, Хонда болон Ниссан компаниуд АНУ дахь үйлдвэрийнхээ үйл ажиллагааг түр хугацаанд зогсоох шийдвэрийг гаргаад байгаагаа мэдээллээ.

АНУ-д шинэ коронавирусний халдварыг авсан хүний тоо 10 мянгад хүрээд байгаа учраас ийм шийдвэр гаргаж байгаа аж. Тоёота компани Хойд Америк дахь үйлдвэрүүдээ гуравдугаар сарын 23-аас дөрөвдүгээр сарын 03-ныг хүртэл хааж байгаа бол Ниссан компани АНУ дахь үйлдвэрийнхээ үйл ажиллагааг дөрөвдүгээр сарын 06-ыг хүртэл зогсоох юм.

Харин Хонда компани гуравдугаар сарын 23-аас эхлэн 6 өдрийн турш үйлдвэрлээ түр хааж байна.