Трампын татварын улмаас дэлхийн хэрэглэгчид америк бараанаас нүүр буруулж болзошгүй

АНУ-ын Ерөнхийлөгч Трампын засаг захиргааны тогтоосон худалдааны татварын хариуд гадны хэрэглэгчид америк бараа, тэр дундаа вискинээс татгалзаж болзошгүй.

Jim Beam, Maker`s Mark зэрэг маркийн вискийг эзэмшигч, Японы “Сантори холдингс”-ийн эзэн Такэши Ниинами “Файнэншл таймс”-т ярихдаа, энэ татварын улмаас, дараа нь сэтгэл хөдлөлийн нөлөөгөөр америк бараа, тэр дундаа америк вискиний эрэлт багасна гэдэг төсөөллөөр 2025 оны стратеги төлөвлөгөөгөө бид боловсруулсан гэж ярьжээ.

Энэ хүрээндээ АНУ-аас Европ, Мексик, Канад болон бусад улс руу гаргах экспортоо бууруулж, америк виски-г АНУ-д борлуулахад илүү анхаарч ажиллах болж байна гэж Ниинами ярьсан байна. АНУ-ын нэвтрүүлж байгаа одоогийн татвар дэлхий даяар тархвал АНУ хамгийн их хохирол амсах учир Трамп үндэсний эрх ашигтаа бодитой хандаж хоригоосоо татгалзах болов уу гэдэг байр суурийг энэ бизнесмен илэрхийлжээ.