Триатлоны хэт холын зайн тэмцээнд Монгол тамирчид амжилттай өрсөлдлөө
спортын мастер Ч.Гансүх 1.9 км сэлэлт, 90 км дугуй, 21.1 км гүйлт буюу хагас ironman зайг таван цаг 38 минут 36 секундийн хугацаанд, спортын дэд мастер П.Гантулга дээрх зайг зургаан цаг 31 минут зургаан секундэд туулсан байна.
Мэдээллийн алба
Триатлоны хэт холын зайн "Ironman 70.3 Astana" тэмцээнд "Эрдэнэт триатлон" клубийн тамирчин П.Гантулга, Ч.Гансүх нар эх орноо төлөөлөн оролцохоор болсон талаар бид өмнө нь мэдээлж байсан. Тэгвэл "Ironman 70.3 Astana" тэмцээн энэ сарын 14-нд Казахстан улсын нийслэл Астана хотод боллоо.
Тэмцээний үеэр спортын мастер Ч.Гансүх 1.9 км сэлэлт, 90 км дугуй, 21.1 км гүйлт буюу хагас ironman зайг таван цаг 38 минут 36 секундийн хугацаанд, спортын дэд мастер П.Гантулга дээрх зайг зургаан цаг 31 минут зургаан секундэд туулсан байна.
