Триполийн өмнөд хэсэгт зэвсэгт мөргөлдөөн дахин эхэлжээ

Триполийн өмнөд хэсэгт мягмар гарагт шилжих шөнө зэвсэгт мөргөлдөөн дахин эхэлсэн тухай “Аль Арабия” суваг мэдээллээ. Ливийн үндэсний армийн командлагч Халифа Хафтар гал зогсоох тухай гэрээнд гарын үсэг зуралгүйгээр Москваг орхисны дараа тулалдаан эхэлсэн гэж эх сурвалжууд мэдэгджээ.

Зарим хэвлэлд тэмдэглэснээр, Ливийн нийслэлийн өмнөд хэсгийн дагуул хотууд, Салах-эд-Дин болон Айн-Зара дүүргүүдэд их бууны дуу сонсогдож эхэлсэн гэнэ. Өчигдөр Москвад Ливийн сөргөлдөгч талууд хоорондоо зуучлагчдаар дамжуулан хэлэлцээ хийсэн боловч үр дүнд хүрэлгүй зогсчээ. Энэ хэлэлцээгээр Ливийн сөргөлдөгч хэд хэдэн тал энэ гэрээнд гарын үсэг зурсан боловч Халифа Хафтар нэмэлт цаг өгөхийн хүссэн гэж Оросын Гадаад хэргийн сайд Сергей Лавров мэдээлсэн юм.