Ц.Баярсайхан сайд орон нутагт ажиллаж байна

Барилга, хот байгуулалтын сайд Ц.Баярсайхан Хэнтий, Дорнод, Сүхбаатар аймагт ажиллаж байна. Тэрээр хөдөө орон нутгаар Засгийн газраас хэрэгжүүлж буй “Шинэ сум” төслийн явцтай танилцаж байна.

Хэнтий аймгийн Биндэр, Дорнод аймгийн Баян-Уул, Сүхбаатар аймгийн Эрдэнэцагаан суманд “Шинэ сум” төсөл хэрэгжиж байгаа юм.

Үүний зэрэгцээ дээрх аймгуудад хэрэгжүүлж буй “1000 айлын орон сууц” хөтөлбөрийн инженерийн шугам сүлжээ буюу суурь дэд бүтцийн бүтээн байгуулалтын ажил хэрхэн явагдаж байгааг шалгах ажээ.