Ц.Намуунцэцэг хүрэл медалийн төлөө барилдана
Ц.Намуунцэцэг тун удахгүй хүрэл медалийн төлөө дэлхийн хошой аварга, олимпын хоёр мөнгө, нэг хүрэл медальт Азербайжаны Мария Стадниктай барилдана
Мэдээллийн алба
“Токио-2020” олимпын чөлөөт бөхийн тэмцээний сүүлийн өдөр буюу өнөөдөр Монголын хоёр бөх медалийн төлөө өрсөлдөхөөр болсон билээ. “Токио-2020” олимпын чөлөөт бөхийн тэмцээний сүүлийн өдөр эрэгтэйчүүдийн 65 кг-ын жинд ОУХМ Т.Тулга 2019 оны ДАШТ-ий хүрэл медальт Унгарын дагестан легионер Исмаил Мусукаевтай хүч үзэж, барилдааны төгсгөлд тактикийн алдаа гаргаж 2:4-өөр ялагдсанаар жиндээ долоодугаар байрт орсон амжилтаар олимпыг өндөрлүүллээ. Харин эмэгтэйчүүдийн хамгийн хөнгөн жинд буюу 50 кг-д зодоглосон Ц.Намуунцэцэг хүрэл медалийн төлөө барилдахаар боллоо.
Тэрбээр дагах барилдаанд Эквадорын залуу бөх Люсиа Иепстай хүч үзэх байсан ч өрсөлдөгч нь гэмтлийн улмаас дэвжээнд гарч ирсэнгүй. Ийн Ц.Намуунцэцэг тун удахгүй хүрэл медалийн төлөө дэлхийн хошой аварга, олимпын хоёр мөнгө, нэг хүрэл медальт Азербайжаны Мария Стадниктай барилдана.
