Ц.Цогтбаатар Парисаас дөрөв дэх медалиа гардлаа
Эмэгтэйчүүдийн 48 кг-д залуу тамирчин ОУХМ Бавуудоржийн Баасанхүү мөнгөн медаль хүртэж, IJF-ийн дэлхийн цувралаас анхны медалиа зүүлээ.
Мэдээллийн алба
Парисын Их дуулгын тэмцээний эхний өдөр Монголын жудочид алт, мөнгө, хүрэл медаль хүртэв. Энэ өдөр эмэгтэйчүүдийн 48, 52, 57, 63 кг, эрэгтэйчүүдийн 60, 66, 73 кг жингийн барилдаан болсон юм.
Эрэгтэйчүүдийн 66 кг-ын жинд ОУХМ Ёндонпэрэнлэйн Басхүү аваргын төлөөх барилдааны нэмэлт цагт БНСУ-ын жүдоч Ан Баулыг цэвэр ялан алтан медаль хүртэж Парисын тэнгэрт Монгол Улсын Төрийн дуулалаа эгшиглүүлэв.
Эмэгтэйчүүдийн 48 кг-д залуу тамирчин ОУХМ Бавуудоржийн Баасанхүү мөнгөн медаль хүртэж, IJF-ийн дэлхийн цувралаас анхны медалиа зүүлээ.
Харин эрэгтэйчүүдийн 73 кг-д жүдоч Цэнд-Очирын Цогтбаатар Узбекистаны бөхийг ялж хүрэл медаль хүртсэн. Тэрбээр Узбекистаны Шахрам Ахадовыг торгуулиар ялснаар Парисаас дөрөв дэх медалиа гардлаа. Ц.Цогтбаатар өмнө нь тус тэмцээнээс нэг мөнгө, хоёр хүрэл медаль хүртээд байв.
