Цагаан хаданд осол гарч нүүрс тээвэрлэдэг машины жолооч амиа алджээ
Энэ талаарх дуудлага цагдаагийн байгууллагад өнөөдөр 07:46 цагт бүртгэгдсэн байна. Энэ хэргийг Өмнөговь аймгийн цагдаагийн газар шалгаж байгаа аж.
Мэдээллийн алба
Өмнөговь аймгийн нүүрс тээврийн замд ачааны автомашины жолооч галд өртөж, машиныхаа кабинд нас барсан хэрэг өчигдөр гарлаа. Тодруулбал, Цагаан хад гэх газарт нүүрс тээврийн “Сань-Хэ” гэх хятад компанийн жолооч нас барсан бөгөөд энэ талаарх дуудлага цагдаагийн байгууллагад өнөөдөр 07:46 цагт бүртгэгдсэн байна. Энэ хэргийг Өмнөговь аймгийн цагдаагийн газар шалгаж байгаа аж.
Эргэн сануулахад, өнгөрсөн оны арваннэгдүгээр сард Өмнөговь аймгийн Ханбогд сумын Жаргалант багийн нутагт БНХАУ-ын “Омог цагаан шонхор” ХХК-ийн нүүрс тээврийн машинд гал гарч, тус автомашинаар тээвэр хийж явсан жолооч түлэгдсэн. Түүнийг ГССҮТ-д хүргэсэн ч, эмчилгээгээ даалгүй нас барсан юм.
