Цагааннуурын боомт энэ сарын 9-ний өдөр амарна

ОХУ-д аугаа их Эх орны дайны ялалтын 74 жилийн ойн баяр тохиож байгаатай холбоотой Баян-Өлгий аймгийн нутаг дэвсгэрт орших Цагааннуурын боомт энэ сарын 9-ний өдөр амрах ажээ. Энэ талаар аймгийн Гаалийн газрын дарга С.Хавал мэдээллээ.

Харин боомтын үйл ажиллагаа 10-ны өдрөөс хэвийн үргэлжлэх аж.

Тус аймагт дөрөвдүгээр сарын 30-наас тавдугаар сарын 5-ны хооронд хорио цээрийн дэглэм тогтоосон. Энэ хугацаанд боомтын үйл ажиллагаа түр саатсан ч өчигдрөөс хэвийн ажиллаж эхэлжээ. Хөл хорио цуцлагдсанаар ачаалал үүсэж болзошгүй тул шаардлагатай тохиолдолд боомт уртасгасан цагаар ажиллана гэдгийг тэрээр хэллээ.

Сурвалжлагч: Ө.Нурболат