Цагдаа барьцаалагдсан нь ташаа мэдээлэл

Гандантэгчинлэн хийдийн ойролцоо биедээ буу авч явсан этгээдийг баривчилсан талаар ЦЕГ-ын Хэвлэл, олон нийттэй харилцах албаны ажилтан Ё.Лхагвасүрэнгээс тодруулахад “Буутай явж байсан этгээдийг өчигдөр 22:00 цагийн орчимд баривчилсан.

Тэр хүн цагдааг барьцаалаагүй. Энэ бол ташаа мэдээлэл. Харин буутай этгээдийг илрүүлж Сүхбаатар дүүргийн цагдаа араас нь хөөсөн. Ямар шалтгаанаар биедээ буу авч явсан болохыг тогтоохоор мөрдөн байцаалтад шилжүүлээд байна. Түүнийг саатуулсан байгаа" гэлээ.