Цагдааг хөнөөсөн буу зөвшөөрөлгүй байжээ

Ховд аймгийн Булган суманд ажил үүргээ гүйцэтгэж явсан цагдаагийн дэд ахлагчийг буудан хөнөөсөн хэргийн мөрдөн байцаах ажиллагаа дуусч, прокурорт шилжсэн байна.

Энэ хэргийг үйлдсэн тус аймгийн харьяат 46 настай Хуатбек, 18 настай Сапаргал нарыг цагдан хорьсон хэвээр байгаа. Түүнчлэн тэдний биедээ авч явсан дорбиник маркийн буу нь ямар ч зөвшөөрөлгүй байсан нь мөрдөн байцаалтаар тогтоогдсон гэж Цагдаагийн Ерөнхий Газрын Хэвлэл мэдээллийн төвийн дарга хурандаа Т.Сайнжаргал хэлсэн юм.

Нийслэлийн прокуророрын газраас тэдэнд ялын дүгнэлт үйлдэн хэргийг шүүхэд шилжүүлэх юм.