Цагдаагийн ахмад С.Төрбаяр таеквондогийн дэлхийн аварга боллоо

Олон улсын таеквондогийн холбоо /ITF/-ны 55 жилийн ойн нэрэмжит өсвөрийн болон мастер ангиллын дэлхийн аварга шалгаруулах тэмцээн Беларусь улсын нийслэл Минск хотод энэ сарын 11-18-нд зохион байгуулагдаж байна.

Энэхүү тэмцээнд “Хүч” спорт хорооноос хоёр тамирчин оролцсон бөгөөд ахмад тамирчин, цагдаагийн ахмад С.Төрбаяр мастер ангиллын 50-59 насны хувийн тулааны -80 кг-ын жинд амжилттай өрсөлдөн алтан медаль хүртэж, дэлхийн аваргаар шалгарлаа.