Цагдаагийн алба хаагчдын шинэ орон сууц ашиглалтад орлоо

Цагдаагийн алба хаагчдын шинэ орон сууц ашиглалтад орлоо. “Цагдаагийн алба хаагч, ажилтны нийгмийн баталгааг хангах, эрүүл мэндийг хамгаалах хөтөлбөр”-ийг хэрэгжүүлэх ажлын хүрээнд Улаанбаатар хотын Баянзүрх дүүргийн дөрөвдүгээр хорооны нутаг дэвсгэрт цагдаагийн алба хаагчдын 24 айлын, үйлчилгээтэй, орон сууцны барилга ийнхүүү ашиглалтад орж байна.

Нээлтийн үйл ажиллагаанд ЦЕГ-ын дэд дарга, дэд комиссар М.Лувсандорж, Санхүү, хангамжийн газрын дарга, дэд комиссар Д.Амарсайхан, ажлын хэсгийн ахлагч, цагдаагийн хурандаа П.Батбаатар нар оролцсон юм. Цагдаагийн байгууллагын зүгээс хөнгөлөлттэй нөхцөлөөр, оршин суугчдын тав тухыг хангасан байрыг барьж ашиглалтад оруулсан компанийн хамт олонд талархал илэрхийлэн, ажлын амжилт хүслээ.